1 исчистен крап од околу 1,5 кг
4 главици кромид
2 поголеми моркови
1 китка магдонос
сок и кора од 1 лимон
150 мл бело вино
1 лажица сув зачин
1 лажица црвен пипер
маслиново масло
сол и мелен црн пипер
Засечете го крапот на неколку места, посолете го и наросете го со сув зачин и црн пипер. Оставете го да отстои половина час.
За тоа време исечкајте ги кромидот, лукот, магдоносот и морковот.
Крапот прелијте го со сок од лимон и одвнатре премачкајте го со маслиново масло.
Почнете да го полните прво со половина од магдоносот, па кромидот и лукот, кората од лимон, морковот и на крај завршувате со остатокот од магдоносот. Ставете го крапот во тава за печење премачкана со масло. Прелијте со виното и наросете со црвен пипер.
Тавата покријте ја со алуминиумска фолија и печете 90 минути на 220 степени. Пред крајот на печењето отстранете ја фолијата за крапот да порумени.