Полнетите пиперки се вообичаени на нашите трпези. Најчесто се полнети со мелено месо, а ние ви носиме рецепт за фил со ореви
Состојки:
15-20 суви пиперки
1 компир
2 лажици масло
3 главици кромид
2 ловорови листови
1/2 лажичка бибер
2 страка праз
2 моркови со средна големина
3 лажички сув билен зачин
1 лажичка сол
150 гр варен ориз
200 гр мелени ореви
1 лажичка пипер
вода
1 лажичка сув билен зачин
Подготовка:
Истурете го маслото во тава и загрејте го. Кога маслото ќе се загрее, додадете го исечканиот кромид и динстајте неколку минути. Додадете го ловоровиот лист, биберот и продолжете со динстање.
Потоа додаваме сечкан праз и изрендан морков. Додадете сув билен зачин и продолжете да динстате.
Кога кромидот е убаво потпржен, додадете го претходно сварениот ориз и мелените ореви. На крај додадете го пиперот.
Подгответеги сувите пиперки и исечете го компирот на прстени. Наполнете ги пиперките со филот и затворете ги со прстени од компир.
Наредете ги полнетите пиперки во длабоко тенџере. Зачинете ги со сув билен зачин, прелијте ги со вода и варете на тивок оган 2 часа.
Кога ќе се сварат пиперките, печете ги во рерна на 200 степени околу 15 минути.
Пријатно јадење!
