Експертите за готвачи тврдат дека ќе го добиете најдобриот вкус на ова јадење ако го подготвите со застоен и сув ориз што сте го зготвиле претходниот ден и сте го чувале во фрижидер преку ноќ.
Ви носиме рецепт за наједноставната варијанта на пржен ориз со малку зеленчук и пржени јајца.
Состојки:
700 грама варен ориз
70 грама замрзнат грашок
3 чешниња лук
3 лажици путер
3 лажици соја сос
2 моркови
2 јајца
1 мал кромид
½ лажички масло од сусам
сол и црн пипер
Подготовка:
Загрејте една лажица путер во вок или поголема тава, а потоа пржете јајца на неа. Отстранете ги пржените јајца од тавата и оставете ги настрана.
Во истата тава загрејте уште една лажица путер и пржете го кромидот и морковот што сте ги исекле на помали парчиња. Пржете сe заедно со малку сол и бибер околу четири до пет минути додека зеленчукот не омекне.
Додадете го сецканиот лук и пржете ги сите заедно уште половина минута.
Ставете го зеленчукот на едната страна од тавата, а од другата стопете ја последната лажица путер.
Додадете варен ориз, замрзнат грашок, соја сос и масло од сусам во тавата и измешајте сe заедно со зеленчукот. Пржете на висока температура околу три минути додека оризот не ги „испие“ сите вкусови и не стане крцкав.
Вратете ги јајцата во тавата, измешајте сe заедно и сервирајте топло. Украсете со парче млад кромид. Добар апетит!
Пржен ориз: Лесен рецепт за вкусен ручек кој е готов за 10 минути!
