Доколку сакате вашето месо да биде уште посочно и повкусно, со додавање на оваа маринада ќе го постигнете тоа.
Универзалната маринада може да се користи за сите видови месо, обични или чадени свински ребра, како и за пилешки крилца.
Се прави од сол, бибер, слатка и лута пиперка во прав, лук во прав и кафеав шеќер.
Подготовка:
Измешајте ги зачините, разредете со ладна говедска супа (може да се направи и од коцки за супа), сок од домати и пире и маслиново масло (по избор).
Најдобро е да ја пробате маринадата и да ја додадете количината на зачини по вкус.
Сè се вари на средна топлина и се лади.
Секое парче месо потопете го во маринадата, ставете го во сад и оставете да отстои на ладно најмалку три часа.
