Потребни состојки:
1 мала главица карфиол
3 чешниња лук
1 парче свеж ѓумбир со големина од околу 2,5 цм
1 лажичка семе од анасон
1 лажичка куркума во прав
2 чили пиперки
1 лажичка свежо исцеден сок од лимон
1 мал кромид
сол и бибер по желба
растително масло за печење
Начин на подготовка:
1. Отстранете ги листовите од главицата карфиол и исечете го тврдото јадро со нож. Измијте го и исушете го.
2. Во сечкалка за зеленчук, измелете го кромидот, лукот, ѓумбирот, куркумата, семето од анасон, сокот од лимон, солта и биберот и чили пиперките.
3. Ставете ја смесата врз карфиолот и добро нанесете ја во секој дел. Оставете го карфиолот да се маринира во зачините преку ноќ.
4. Следниот ден, загрејте ја рерната на 180 Целзиусови степени.
5. Ставете го маринираниот карфиол на плех и прелијте го со растително масло.
6. Ставете неколку лажици вода на дното на плехот.
7. Печете го карфиолот околу 75 минути, додека внатрешноста на карфиолот не омекне и површината не зарумени.
8. Послужете со ориз и сезонска салата по желба. Добар апетит!
