Јапонски палачинки

Во Јапонија овие палачинки се омилен појадок. Доколку сакате да пробате нов рецепт за палачинки, пробајте со овие кои потсетуваат на американските, но се двојно подебели додека тестото е помеко.
Нема да им одолеете доколку ги јадете со крем или овошје.
Потребни состојки:
-3 лажици брашно
-1/4 лажичка прашок за пециво
-1 лажица млеко
-1/4 лажичка екстракт од ванила
-2 јајца
-2 лажици шеќер
Начин на подготовка:
Одвојте ги жолчките од белките, па во жолчките додадете ги брашното, прашокот за пециво, екстрактот од ванила и млекото. Добро измешајте.
Белките изматете ги со миксер, па додадете го шеќерот и повторно изматете. Потоа во белките додадете ја смесата од жолчките и убаво измешајте. Смесата ставете ја во готварски шприц па стиснете од тестот во загреана и подмачкана тава за палачинки. Може да ставате и со црпалка.
Кога ќе ставите од смесата поклопете со капак и печете неколку минути, па свртете ја палачинката на другата страна.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.