ЌОФТИЊА ВО КРЕМ СОС ОД ПАВЛАКА! Вкусен ручек за целото семејство

Ако сакате месо, тогаш ви препорачуваме вкусни ќофтиња во сос од павлака
Состојки:
За ќофтињата:
500 гр мешано мелено месо
100 гр ориз
јајце
главица кромид
две лажици брашно
малку магдонос
сол, бибер
За сосот:
400 гр павлака за готвење
две главици кромид
лажица брашно
сол, бибер
две или три чаши вода
масло
Во сад се ставаат месото, јајцето, ситно сечканиот кромид, оризот, брашното, зачините и магдоносот и се се меша. Со раце обликувајте ги ќофтињата и малку пропржете ги на масло.
За сосот, пропржете го кромидот, а потоа додадете го брашното, мешајќи да не се формираат грутки и додадете шолја вода. Кога малку ќе зоврие додадете павлака и промешајте да се растопи, па спуштете ги ќофтињата.
Оставете се да се крчка уште пет минути, додадете зачини, па послужете со тестенини.