Актерката Сидни Свини вели дека ужива снимајќи филмови кои се сочни и луди.
Една од најпопуларните, но сепак контроверзни, холивудски актерки во моментов, Сидни Свини, вели дека нејзината цел е филмовите во кои глуми да имаат подлабоко значење и вистинско влијание врз публиката, па дури и потенцијално да спасат животи.
„Сакам да снимам филмови што ќе влијаат врз луѓето и, се надевам, ќе им ги спасат животите“, рече актерката во интервју за Би-Би-Си.
Оваа година, Свини доби значајни улоги во психолошкиот трилер „Домашната помошничка“, како и во биографскиот филм „Кристи“, кои се занимаваат со темата на семејно насилство.Актерката нагласува дека ова е сериозен и широко распространет општествен проблем, поради што за неа било исклучително важно внимателно, автентично и без тривијализација да ги толкува улогите.
Важно е филмот, дури и на комерцијално ниво, да зборува за тешка тема – смета Сидни.
Свини не крие дека е особено привлечена од сложени и емоционално тешки приказни, кои ги поместуваат границите и оставаат силен впечаток кај публиката. Како што самата признава, ужива во проекти кои се сложени, „сочни“, непредвидливи и малку луди, а филмот „Домашната помошничка“ го опишува како сон што се остварил.
Филмот доби позитивни критики од критичарите, а моментално може да се види во домашните кина.
Пронајдете не на следниве мрежи:
