Бубрезите постојано ја филтрираат крвта, ги отстрануваат отпадните материи и помагаат во одржувањето на рамнотежата на водата и електролитите во телото. Нивната функција е под влијание на голем број навики во животниот стил, вклучувајќи го соодветниот внес на течности и исхраната. Наместо шеќерни или алкохолни пијалоци, по вечерата може да се избере едноставен пијалок што придонесува за хидратација.
Нутриционистката Мелани Бец препорачува чај од ѓумбир како една опција.
,,Хидратацијата е клучна за здравјето на бубрезите и спречувањето на камења во бубрезите“, вели Бец за EatingWell.
Иако водата е најдобриот избор, таа додава дека различните пијалоци можат да ви помогнат да останете хидрирани и да спречите дехидрација.
Ѓумбирот содржи соединение со антиинфламаторни својства
Чајот од ѓумбир содржи и гингерол.
„Гингеролот е соединение со антиинфламаторни и антиоксидантни својства“, објаснува нутриционистката Џен Хернандез.
Хроничното воспаление е поврзано со прогресијата на заболувањето на бубрезите, а Хернандез исто така истакнува дека ѓумбирот е природно многу сиромашен со калиум, фосфор и натриум.
Сепак, Хернандез советува да се проверат етикетите на купените чаеви, бидејќи тие може да содржат адитиви како што се сладунец, калиум хлорид или фосфатни конзерванси. Чајот може лесно да се подготви и дома.
„Едноставно прелијте со топла вода свеж, излупен ѓумбир и оставете го да отстои 5 до 10 минути“, советува Хернандез.
Исхраната богата со овошје, зеленчук, интегрални житарки и растителни извори на протеини, умерениот внес на сол и редовните медицински прегледи се исто така важни за здравјето на бубрезите.
The post Најдобриот пијалок по вечера за здравје на бубрезите appeared first on Во Центар.
Пронајдете не на следниве мрежи:
