Пратениците во Европскиот парламент се договорија за резолуционен документ за последните случувања во дијалогот меѓу Србија и Косово, вклучувајќи го и вооружениот напад во Бањска за кој одговорноста ја презеде Милан Радоичиќ, потпретседател на Српската листа. За овој документ пратениците ќе расправаат утре, кога треба и да го усвојат. Клучното барање е да се преземат мерки против Владата на Србија доколку се утврди дека била директно вмешана во „терористичкиот напад во Бањска“ и дали била вмешана во насилствата на северот на Косово во мај годинава. Од српските власти се бара да го екстрадираат Милан Радоичиќ на Косово.
- Неготинец пријавил дека неговиот 74-годишен татко обљубил малолетничка!
- Насилни малолетници добија кривични пријави: Натепале двајца скопјани
- (Видео) Страшна несреќа во Грција – 3агинаа двајца мажи, бебе и девојче!
- Грција потпиша договор за набавка на 20 американски борбени авиони Ф-35
- Манијак во Прилеп, се самозадоволувал пред малолетно девојче
- Македонскиот пасош e рангиран на 41 место според „Henley Passport Index“
- Во 62 налети полициските хеликоптери исфрлија преку 120 тони вода
- Политико: Истрага во Европол!
- Сообраќајна несреќа во Охрид: Неофицијално повредена е странска државјанка
Во финалниот нацрт на резолуцијата, до која Nova.rs имаше пристап, се повикува на деескалација на конфликтот на северот на Косово, а Србија целосно да соработува во истрагите.
ЕП бара Србија да ги изведе пред лицето на правдата одговорните за нападот кои се наоѓаат во Србија. Ова пред се се однесува на Милан Радоичиќ, потпретседател на Српската листа, кој ја презеде одговорноста за вооружениот напад.
Европратениците бараат Србија да го екстрадира Радоичиќ на Косово.
Во резолуцијата беа предложени мерки кои треба да бидат усвоени против Србија доколку таа не одговори на барањата на ЕУ.
Предлогот е да се преземат мерки против Владата на Србија доколку истрагите откријат дека државата Србија била директно вмешана во терористичкиот напад во Бањска или во насилните напади што се случија на северот на Косово во мај 2023 година.
Предвидени се и санкции доколку „српските власти не се подготвени целосно да соработуваат“.
Во овој контекст, европратениците ја повикуваат ЕК да ги суспендира средствата доставени за Србија во рамките на Инструментот за претпристапна помош III, доколку резултатите од истрагата покажат дека српската држава била директно вмешана во овие напади.
Тие ја повикуваат ЕК да усвои насочени рестриктивни мерки и наведуваат: „вклучувајќи, но не ограничувајќи се на замрзнување на имотот и забрани за патување, против дестабилизирачките актери на северот на Косово и водачите на големите мрежи на организиран криминал“.
Понатаму предлагаат ЕК да го следи примерот на САД и да воведе санкции за Милан Радоичиќ.
Во нацрт-резолуцијата, членовите на ЕП го осудуваат военото трупање на српската армија на границата со Косово, но „го земаат предвид повлекувањето на дел од нејзините војници од границата со Косово и ја повикуваат Србија да се воздржи од оваа повторлива шема на ескалација во иднина“. Исто така, ја повикува Србија да ги повлече сите напредни воени бази лоцирани во близина на границата со Косово и опрема, вклучително и противвоздушни системи и тешки артилериски единици, и да се воздржи од какво било непропорционално воено распоредување во областа во иднина.
Пронајдете не на следниве мрежи:
