Рапсодија на вкусови во вашата чинија
Тиквичките се зеленчук кој многу се користи во повеќето кујни во светот, вклучително и во македонските јадења. Се подготвува на различни начини, може да се јаде сирова, дури и во колачи.
Еден од начините за нивна употреба е супа од тиквички. Лесно се подготвува, а одлична е кога деновите се потопли бидејќи можете да ја јадете ладна.
На нашите простори се подразбира јадење „на лажица“ за време на ручек, но многумина веруваат дека чорбите се многу тешки за подготовка.
Сепак, со помош на овој рецепт ќе подготвите супа која ќе засени се што сте пробале досега.
Состојки:
500 грама тиквички
50 милилитри масло
1 главица кромид
150 грама морков
600 милилитри вода
350 милилитри млеко
1 лажичка лук во прав
сол, бибер
леб за декорација
млад кромид за декорација
Подготовка:
Излупете ја и исечете на ситни коцки. Во поголемо тенџере истурете го маслото и ставете го кромидот да се динста, а потоа додадете го остатокот од зеленчукот, како и солта и биберот.
Кога зеленчукот ќе омекне, додадете вода и сè измешајте, па варете на силен оган додека не зоврие, намалете ја температурата и оставете да се крчка 20 минути.
Сите состојки се матат во блендер, постепено се додава млекото, лукот и зачините по желба.
Декорирајте го јадењето со тост или стар печен леб и млад кромид.
