Високиот претставник за надворешна политика и безбедност на ЕУ, Жозеп Борел денеска ја предупреди Москва дека нејзините сили ќе бидат „уништени“ со воен одговор од Западот доколку претседателот Владимир Путин употреби нуклеарно оружје против Украина, пренесува АФП.
„Путин вели дека не блефира. Па, тој не може да си дозволи да блефира и мора да биде јасно дека луѓето кои ја поддржуваат Украина и Европската унија и нејзините земји членки, и САД и НАТО не блефираат“, рече Борел на отворањето на Дипломатската академија во Брисел. .
„Секој нуклеарен напад врз Украина ќе предизвика одговор, не нуклеарен одговор, туку толку силен воен одговор што руската армија ќе биде уништена“, рече тој.
Генералниот секретар на НАТО Јенс Столтенберг исто така рече дека Русија ќе се соочи со „тешки последици“ доколку изврши нуклеарен напад врз Украина.
Истото вчера во заедничка изјава го изјавија и лидерите на земјите членки на Г7.
Пронајдете не на следниве мрежи:
