Според календарот на МПЦ (Јулијанскиот календар) денес е 13 ноември.
Се прославува Св. Јован Златоуст.
Свети Јован Златоуст е еден од најголемите цариградски патријарси. Се роди во Антиохија, во 354 година. Во младоста ги изучи грчките философи, а се дообразува во познатата Антиохиска школа.
По смртта на родителите, се замонаши и почна строго да се подвизува. По својата мудрост се истакна уште во Антиохија, па подоцна, по барање на цар Аркадиј, беше поставен за патријарх во Цариград.
![](https://puls24.mk/wp-content/uploads/2022/11/svjovan.jpg)
Бог го надари со дар на јасно расудување и убаво зборување, по кои едвај да е надминат од некого во историјата на Црквата.
Се успокои во 407 година, во Ерменија. Од неговите мошти, главата се наоѓа во Успенската црква во Москва, а телото во Ватикан.
Се смета дека денес не се важни парите и материјалните нешта, туку нешто друго. Денес секој верник треба да земе книга во рака, и да прочита барем дел од неа.
Не смеат во рака да се земат конци, волна и игли. Светецот не сака денес на неговиот празник да се работи, туку сите подеднакво да уживаат.