Со децении, стандардната опрема за преживување на првите советски, а потоа и руските космонаути вклучуваше оружје. Прво тоа беше полуавтоматски пиштол „макаров“ со патрони, а подоцна беше заменет со пиштол со три цевки, специјално дизајниран за вселенски мисии.
Советите беа единствените кои ги вооружија своите космонаути, што предизвика многу сомнежи во другите земји. Сепак, таквата практика беше воведена од многу сериозни причини.
Непријатен случај
Влегувањето на вселенско летало во атмосферата и неговото слетување е многу сложен процес и секоја ситница може да биде фатална. При голема брзина со која се движи леталото, дури и најмалите дефекти во палењето на моторот можат во голема мера да ја променат патеката на летот, како резултат на што леталото може да слета на стотици километри од предвиденото место за слетување.
Така космонаутите би можеле да се најдат некаде каде што никој не ги очекувал и да се соочат со разни непланирани проблеми и опасности.
Токму тоа им се случи во 1965 година на космонаутите Павло Бељаев и Алексеј Леонов, по враќањето од многу успешната мисија „Вашод 2“. За време на слетувањето, тие го загубија курсот и слетаа во Сибир, среде шума. Космонаутите многу добро знаеле дека се предалеку од базата и дека ќе мора да преноќат во тајгата – царството на мечките и волците.
Белјаев и Леонов со себе имаа полуавтоматски пиштол од девет милиметри, кој, се разбира, не можеше сериозно да му наштети на ѕвер како мечка, но сепак добро му дојде. Кога ѕверовите се обиделе да го нападнат логорот во текот на ноќта, огненото оружје буквално ги спасило космонаутите. Пукале во воздух, а звуците ги избркале животните.
По таа приказна, Леонов му пристапил на раководството со предлог да развие специјално оружје за вселенски летови. Резултатот од работата на тим советски инженери беше пиштолот со три цевки ТП-82 или ТОЗ-82, во кој беа користени два различни калибри. Горните цевки користеа патрони од 40 мм, а долната цевка беше пушка и ги користеше истите касети како АК-74.
Оружјето имало подвижен кундак, кој можел да се користи и како мачета, чија рачка била вметната во конструкцијата како шалвар. Пиштолот може да испука и ракети за да повика помош.
На американските астронаути оружјето многу им се допаднало
ТП-82 стана дел од стандардниот комплет за преживување и редовно се користеше за време на советските и руските вселенски летови од 1986 до 2006 година. Пиштолот бил доставен и до некои единици на советската армија, кои дејствувале во особено негостопримливи области.
Дури и астронаутите на НАСА вежбале користење на TP-82 за време на обуката во водите на Црното Море. Американскиот астронаут Дејв Волф помина четири месеци на руската вселенска станица Мир во 1997 и 1998 година и беше импресиониран од оружјето, кое го опиша како „многу прецизно и лесно за употреба“.
Демократија во вселената
Во 2007 година, специјалната комисија дојде до заклучок дека преостанатата муниција за ТП-82 целосно пропаднала. Одамна беше повлечен од производство, а наместо него беше воведен стандарден полуавтоматски пиштол.
Сега оружјето е опционално во вселената. Секој пат пред летот, официјален претставник на Руската вселенска агенција спроведува гласање меѓу членовите на екипажот за да одлучат дали треба да носат оружје со себе. Во повеќето случаи, оружјето не се носи.
Се разбира, никој не е безбеден од неочекувани опасности и многумина велат дека треба да има оружје на вселенски брод. Експертите, сепак, советуваат да се стави во посебен простор, за да може да се пристапи само надвор од леталото.
Пронајдете не на следниве мрежи:
