Кростата со праски

Loading...

Потребни состојки:

Тесто

250 гр брашно

110 гр путер

2 лажици шеќер во прав

1 лажичка сол

2 јајца

Крем

1 тегла компот од праски(700 гр)

1 пудинг од ванила

2 лажици шеќер

Подготовка:

Прво се замесува тестото. Во брашното се става путерот исечен на коцки ,солта и шеќерот во прав. Се меша со дрвена лажица. Се додаваат и јајцата ,мешаме и тестото потоа го домесуваме со рака.

Готовото тесто во најлонска фолија го замотуваме и ставаме во фрижидер да одстои 2 часа.
За тоа време го приготвуваме кремот.

Компотот од праски го миксираме со рачен блендер. Го ставаме на оган и кога ќе зоврие му се додава разматениот пудинг со 2 лажици шеќер и малку вода. Кога ќе згусни,се трга на страна за да олади.

Од тестото тргаме 1/4 , а останатото со сукало го тегнеме и го ставаме во плех(бр.24). Го полеваме кремот. Од останатото тесто можете да направите ленти или други форми .

Ги ставаме врз кремот и ја печеме кростата на 180 околу 25 минути.

*Тестото најдобо е да се сучи мегу 2 листа хартија.

 

loading...