Во подрумот на соседот е пронајден маж кој исчезнал кога имал 17 години. Се верува дека бил киднапиран од неговиот сосед пред речиси 30 години, пишува Sunday World. Жртвата, Омар Бин Омран, исчезна во провинцијата Џелфа во Алжир пред 27 години и неговото семејство едно време претпоставуваше дека тој загинал во граѓанската војна.На социјалните мрежи се шири снимката од неговото извлекување од скривницата, откако полицијата ја пребара куќата во близина на семејниот дом. Полициски службеници уапсија 61-годишен маж осомничен за заробување и киднапирање на Омар.„Главното државно правобранителство од Џелфа ја известува јавноста дека на 12 мај во 20 часот го пронајдовме Омар Б., 45 години, во подрумот на неговиот сосед Б.А, напишаа во соопштението главните обвинители во Џелфа, алжирски планински град со население од нешто помалку од 500.000 жители.Се верува дека киднаперот работел како државен службеник и дека живеел сам.Соседот на киднапираниот Омар изјави за алжирската ТВ станица Билад: „Неговата кутра мајка умре додека тој беше во заробеништво, без да знае што му се случило, без да знае дека тој всушност бил веднаш до неа цело време“.Алжирските медиуми објавија снимка од моментот кога Омар бил откриен во покриен бунар под сено на фарма за овци.„Пред два дена, на 12 мај 2024 година, јавното обвинителство добило пријава од анонимно лице кое тврди дека Омар бин Омран, кој беше пријавен за исчезнат пред 30 години, се наоѓа во куќата на еден од неговите соседи“, рече судскиот службеник.После тоа, главниот обвинител нареди полицијата да отвори истрага.„Државното обвинителство нареди на жртвата да и биде укажана лекарска и психолошка помош, а осомничениот веднаш по истрагата ќе биде изведен во државното правобранителство“, додаде тој.Официјалните лица ветија дека на „сторителот на ова грозоморно злосторство“ ќе му се суди „жестоко“. Непотврдени локални извештаи велат дека семејството на жртвата било известено за тоа каде се наоѓа Омар откако братот на наводниот киднапер објавил поплаки на социјалните мрежи за време на спорот околу наследството.Омар рече дека не можел да повика помош поради магијата што наводниот грабнувач му ја направил, јавуваат алжирските медиуми.
Пронајдете не на следниве мрежи:
