Претседателот Стево Пендаровски денеска ја прими ултрамаратонката Катерина Шиповиќ, првата македонска атлетичарка која ја истрча ултрамаратонската трка Спартатлон од Атина до Спарта во должина од 246 километри.
![](https://puls24.mk/wp-content/uploads/2022/10/Screenshot_1-109.jpg)
На средбата претседателот Пендаровски беше запознаен со подготовките и реализацијата на учеството на Спартатлонот, што се вбројува меѓу 10-те најтешки ултрамаратонски трки во светот.
Претседателот Пендаровски упати честитки до Шиповиќ за реализираната трка, истакнувајќи дека нејзината посветеност и истрајност треба да бидат пример за сите млади атлетичари и спортисти воопшто. Според претседателот Пендаровски, особено импресионира фактот што Шиповиќ, покрај професионалната кариера, успешно се занимава со атлетика, со фокус на трки на долги дистанци – маратони, ултрамаратони и планински трки и е меѓу најтрофејните македонски атлетичари.
Шиповиќ и нејзиниот тим го запознаа претседателот Пендаровски со нејзините идни планови и активности.
Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.