Рестораните во комплексот на турскиот Парламент нема да нудат производи од компании кои го поддржуваат Израел, јави турскиот весник „Созџу“.
Инструкциите за бојкот ги даде претседателот на Меџлисот, Нуман Куртулмуш.
- Во Италија запленети кокаин вреден 100 милиони евра, уапсени пет лица
- Ужас во Франција: Ги yбил своето семејство — сопругата и двете деца на возраст од една и пет години
- Ердоган предлага да се формира сојуз на исламските држави против Изpаел – Тие му порачаа да се засрами
- Илјадници протестираа низ Франција откако Макрон ги отфрли барањата на левицата
- Пожарот во Беловодица и Мариово е ставен под контрола
- Се разгоре пожарот над Катланово, во прекин е електричната енергија
- Белград прајд мина без инциденти, ЛГБТ+ заедницата бара усвојување два закона
- АРМ со почесна артилериска стрелба по повод Денот на Независноста
- БРАВО! Македонски средношколци освоија сребро на Интернационалната олимпијада по информатика
Во соопштението објавено од претседателството на Големото национално собрание на Турција се вели дека Парламентот одлучил да ја поддржи „општествената чувствителност кон бојкот на производите и стоките на компаниите кои отворено ја декларираат својата поддршка за воените злосторства на Израел, кој убива невини луѓе во Газа“.
Како што се истакнува, по налог на претседателот на Собранието Куртулмуш, производите на ваквите компании нема да се продаваат во рестораните, кафулињата и чајџилниците во комплексот на Собранието.
Во соопштението на претседателот на Меџлисот не се прецизира точно кои компании ќе бидат бојкотирани. Собраниски извор изјави за Ројтерс дека пијалоците од Кока-Кола и инстант кафето Нестле засега се единствените брендови кои се отстранети од менито, пренесува БТА.
„Кабинетот на претседателот на Парламентот не остана рамнодушен на јавното незадоволство и одлучи да ги отстрани производите на овие компании од менито на кафулињата и рестораните во Собранието“, вели изворот.
Двете компании беа спомнати во објавите на социјалните мрежи од турски активисти кои повикуваат на бојкот на израелската стока и западните компании кои го поддржуваат Израел.
Турската влада силно го критикуваше израелското бомбардирање на Газа и поддршката на Западот за Израел.
Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.