Јапонците му оддаваат почит на Абе, утре ќе биде неговиот погреб

Јапонците му оддаваат почит на Абе, утре ќе биде неговиот погреб

– Присутно е длабоко чувство на тага поради неговата загуба. Премиерот Абе беше визионерски водач и ја зајакна Јапонија. И знам дека неговото наследство ќе живее и ќе резултира со просперитетна Јапонија, изјави Јелен.

Голем број луѓе пристигнуваат во храмот во Токио за да му оддадат почит на некогашниот јапонски премиер Шинѕо Абе, чие убиство ја засени изборната победа на владејачката партија со која доминираше.

Премиерот Фумио Кишида, кој има шанса да ја зацврсти сопствената моќ по успехот на изборите, како и американската министерка за финансии, Џенет Јелен, беа меѓу стотината присутни на оддавање почит на Абе, три дена по неговото убиство за време на предизборен собир.

Најдолговечниот јапонски премиер, кој поднесе оставка во 2020 година, ќе биде погребан утре.

– Присутно е длабоко чувство на тага поради неговата загуба. Премиерот Абе беше визионерски водач и ја зајакна Јапонија. И знам дека неговото наследство ќе живее и ќе резултира со просперитетна Јапонија, изјави Јелен.

Властите ја продолжуваат истрагата за 41-годишниот осомничен, Тецуја Јамагами, кој беше уапсен на лице место во западниот јапонски град Нара.

Според јапонски медиуми, во полиција осомничениот изјавил дека со месеци го планирал нападот, обвинувајќи го поранешниот премиер за врски со верска организација, што ја обвинува за финансиската пропаст на својата мајка.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.