Поранешниот претседател и лидер на ВМРО-ДПМНЕ, Никола Груевски го честиташе 34. роденден на партијата.

– На сите членови на ВМРО-ДПМНЕ им го честитам 34. роденденот на партијата, која за околу една недела ќе биде повторно главна владеачка партија.

Посакувам веќе до следниот роденден секој член на партијата да стане уште повеќе горд со неговото членство во ВМРО-ДПМНЕ, а граѓаните на Македонија независно на нивната политичка, етничка, верска или социјална припадност да бидат задоволни од учинокот на партијата како главна владејачка партија и од напредокот на Македонија во секое поле, што секој ќе го почувствува, препознае и констатира лично.

Нека е вечна ВМРО!

Нека е вечна ВМРО-ДПМНЕ!

Нека е вечна Македонија! – напиша Груевски на Фејсбук.