Министерот за здравство, Арбен Таравари, има две куќи, еден стан, градежно земјиште, уметнички слики и златен накит, покажува неговиот анкетен лист објавен на веб-страницата на Државната комисија за спречување на корупцијата.
![](https://infomax.mk/wp-content/uploads/2024/07/image-77-1024x501.png)
Како што можете да видите, поранешниот градоначалник на Гостивар, а сегашен министер за здравство, има станбена куќа во Гостивар од 503 метри квадратни во вредност од 43.050.000 (четириесет и три милиони и педесет илјади денари) или 705.737 евра, која ја добил како подарок во 2023 година.
Таравари има и стан во Карпош со површина од 94 метри квадратни, во вредност од 5.771.600 денари или 94.616 евра. Станот е купен во 2014 година.
Потоа следува и куќа во Карпош, со површина од 261 метар квардатен, а во вредност од 9.254.250 денари или 151.709 евра. Оваа куќа, според податоците во анкетниот лист е купена во 2021 година.
На крај од недвижниот имот следува градежно земиште во Тетово со површина од 469 метри квадратни, во вредност од 8.841.600 денари, кое е во сопственост на родителите на Таравари, а основ за стекнување е наследство.
![](https://infomax.mk/wp-content/uploads/2024/07/image-78-1024x439.png)
Од недвижен имот министерот пријавил само автомобил Волво во вредност од 3.070.000 денари, купено во 2016 година.
![](https://infomax.mk/wp-content/uploads/2024/07/image-79-1024x365.png)
Таравари наведува и податоци за банкарски депозити, негови и на членови на неговото семејство, но без конкретни суми.
![](https://infomax.mk/wp-content/uploads/2024/07/image-80-1024x446.png)
Министерот пријавил и заем од нешто повеќе од 4,5 милиони денари земен во 2021 година.
![](https://infomax.mk/wp-content/uploads/2024/07/image-81-1024x387.png)
Како друг имот, Таравари навел дека поседува златен накит, во сопственост на неговата сопруга, која го добила како подарок во 1998 година, во вредност од еден милион и триста и педесет илјади денари, како и уметнички слики од 2018 година во вредност од 245 илјади денари.
![](https://infomax.mk/wp-content/uploads/2024/07/image-82-1024x410.png)
Претходно, Александар Николоски, кој сега е колега министер на Таравари, го обвинуваше актуелниот министер за здравство дека добил куќа како подарок, затоа што го свртел курсот кон СДСМ и ДУИ.
– „Таравари пријавил дека куќа од 256 квадрати купил за 150 илјади евра. Како во центарот на Скопје се купува куќа по 500 евра квадрат? Но, и дали воопшто тие 150 илјади евра воопшто се платени, зашто, според нашите сознанија, нема трансакции и на тие 150 илјади евра. Дали една од цените за влез во Владата е убавата куќа во Тафталиџе која му е поклонета на господинот Таравари, исто така, од еден функционер во оваа Влада од ДУИ?“. – велеше Николоски минатата година.
Во текот на утрешниот ден на Инфомакс ќе можете да прочитате нови детали за имотите кои ги пријавиле актуелните функционери во Владата и Парламентот, а во продолжение прочитајте што открива анкетниот лист на премиерот.