Бројот на азиски тигрести комарци кои предизвикуваат денга треска е зголемен во 13 земји на ЕУ, вклучувајќи ги Франција, Шпанија и Грција, што доведе до зголемување на бројот на заболени од оваа болест, Соопштуваат од Центарот за превенција и контрола на болести (ЕЦДЦ).ЕЦДЦ наведува дека климатските промени создаваат поволни услови за ширење на тигрестиот комарец, што доведува до зголемување на бројот на случаи на денга.ЕЦДЦ предупреди дека меѓународните патувања дополнително ќе го зголемат ризикот од ширење на епидемијата во Европа, објави Би-Би-Си.Комарците станаа сѐ поголема закана во Европа во последните две децении.Азискиот тигрест комарец (aedes albopictus), кој се смета за најинвазивен вид комарец во светот, сега се шири низ Европа од својата јужна европска база.Според ЕЦДЦ, тигрестиот комарец е откриен во Австрија, Бугарија, Хрватска, Франција, Германија, Грција, Унгарија, Италија, Малта, Португалија, Романија, Словенија и Шпанија.Во помал број е забележан и во Белгија, Кипар, Чешка, Холандија и Словачка.Тигарските комарци шират болести како што се денга треска и вирусот Зика, кои до неодамна обично беа присутни само во делови од Африка, Азија и Америка.Друг тип на комарец, aedes aegypti, кој пренесува жолта треска, како и други болести, се населил на Кипар.Експертите наведуваат дека неговиот потенцијал за ширење во другите делови на Европа е „загрижувачки“.Денгата започнува со симптоми слични на грип, но може да стане сериозна и, во некои случаи, фатална.Масовните епидемии се зголемуваат во последните години, а минатата година имало осум случаи на повеќекратни инфекции во Франција, четири во Италија и два во Шпанија.Вирусот на Западен Нил, кој исто така го пренесуваат комарците, сега е присутен во неколку европски региони повеќе од кога било досега.На почетокот на март беше објавено дека едно лице е заразено со вирусот во јужна Шпанија.Денга треската е ендемична во повеќе од 100 земји во светот, според Светската здравствена организација (СЗО), со повеќе од шест милиони случаи и 7.000 смртни случаи пријавени минатата година.Најголем број случаи има во Бангладеш, Малезија, Тајланд и Виетнам.Маларијата е најсмртоносната болест која ја пренесуваат комарците на планетата, а ја пренесуваат женските анофели комарци, кои ги има и во Европа.Постои загриженост дека случаите на маларија може да се зголемат и во Европа во иднина, доколку условите се поволни за ширење на комарците.
Пронајдете не на следниве мрежи:
