Експлозии во неколку градови во Украина се пријавени откако Москва ја започна „специјалната операција“, јавуваат светските медиуми.
Пријавена е серија на експлозии ширум Украина, а очевидците рекле дека истите се случиле во близина на неколку големи градови, додека рускиот претседател Владимир Путин потпишал наредба со која се одобрува „специјалната воена операција“ во регионот Донбас.
Говорејќи од покрив на еден објект во центарот на Киев, репортерот на Си Ен Ен, Метју Чанс рече дека слушнал четири или пет експлозии како избиле во градот.
Во меѓувреме на социјалната мрежа Твитер се шират фотографии и видеа од самиот напад рано утрово.
