Не постои човек кој не почувствувал тага, жал, болка. И не постои човек кој заради тага, жал, болка – не пуштил солза, не се расплакал!Солената течност, која ја нарекуваме солзи, се состои од вода, масло и од слуз. Водата се произведува во лакрималната жлезда во аголот на кожата, додека маслото доаѓа од 30 до 40 минијатурни молови жлезди во капаците, а неговата улога е да ја прекрие водата и да го спречи нејзиното пребрзо испарување.
Слузот настанува од конјуктивалните клетки на површината на окото и помага да се врзе влагата во окото, а рамнотежата меѓу сите три состојки на солзите е многу деликатна.
Дури 50 отсто луѓе имаат проблеми со суви очи, а симптомите вклучуваат црвенило, иритација и пецкање.
Солзите во кои недостига вода можат да бидат предизвикани од инфекција или од растење на лакрималната жлезда.Солзите во кујна се добар знак. Ако плачете доколку го сечкате кромидот, тоа не значи дека вашите очи се чувствителни, туку дека се здрави.
Постојат три различни видови солзи: оние кои имаат основна улога да ја влажнат површината на окото и да ја штитат од надворешните влијанија, потоа рефлексните солзи кои настануваат при иритација на окото како туѓо тело, додека третиот вид се емоционалните солзи.
Солзите што настануваат како реакција на кромидот се рефлексни солзи бидејќи кромидот испушта гас што реагира со водата во очите. Други чести иританси од кои очите солзат се силните светла и туѓите тела, како прашината во окото.Зошто мажите не можат да плачат дури и кога сакаат.
Сите солзи ги контролира автономниот нервен систем, кој ги регулира сите процеси во телото, од отчукувањето на срцето до варењето на храната. Луѓето се единствениот вид кој произведува емотивни солзи, а луѓето што растеле во семејство каде што солзите се нормална појава, самите почесто плачат.
Една од теориите која објаснува зошто мажите плачат помалку од жените е дека машкиот полов хормон тестостерон ги инхибира солзите. Тоа го потврдува и податокот дека мажите што го промениле полот во женски и кои пијат хормонски лекови за да го намалат тестостеронот повеќе плачат.
Како што стареат, жените сѐ помалку плачат. За пореткото плачење во 50-тите години од животот е одговорна менопаузата. Како што старее жената, се менува хормоналната рамнотежа во нејзиниот организам, а нивото на хормонот естроген опаѓа. Токму тој хормон е задолжен за повеќе солзи кои жените ги исплакуваат во текот на животот, објаснуваат научниците.
Крокодилските солзи имаат сосема поинакво значење. Некои луѓе плачат додека јадат, а тој феномен во медицината се нарекува Богорадов синдром или крокодилски солзи, бидејќи крокодилите „плачат“ додека го ждерат својот плен. Тоа е поврзано со слабоста на нервите во лицето, особено ако постои парализа на мускулите на едната страна на лицето.
Во екстремни случаи, сувите очи можат да ја надразнат кожата на лицето, а најпрво образите. Тој феномен се јавува поради недостиг од вода, а вишок масло и слуз во самите солзи. Тоа предизвикува иритација, како нуркање во солена вода, а откако солзите ќе се исушат на образите остануваат траги.Солената течност, која ја нарекуваме солзи, се состои од вода, масло и од слуз. Во