На македонскиот празник 11 Октомври се запали куќата на познатата Весна Петрушевска – Бејби. Додека пожарникарие го гаснеа големиот пожар кој ја зафати куќата на Весна Бејби таа за Вест раскажа што се случило и како се спасила.
“Битно сите се спасивме и сме добро. Има само материјална штета, но таа се поправа”, рече Бејби, која, заедно со родителите, чекаше во дворот додека пожарникарите го гасеа огнот.
Благоја Менковски, командант на Скопската противпожарна бригада, изјави дека пожарот зафатил поголем дел од куќата на родителите на Весна Бејби, но огнот не се проширил на куќата на Бејби, која се наоѓа веднаш до нивната.
“Колегите ме информираа дека семејството само се обидело да го изгаси пожарот, но кога увидело дека не може, нe повика нас. Ние веднаш излеговме и го локализиравме пожарот, во кој беа зафатени покривната конструкција, потпокривот, дел од приземјето. Ја извадивме и водата од приземјето и ситуацијата сега е под контрола. За секој случај, има дежурни пожарникари. Ние ја завршивме нашата работа, а од СВР Скопје ќе треба да ја кажат причината за избувнувањето на пожарот”, рече Менковски.
Од полиција потврдија дека е причинета само материјална штета, а причините за избувнувањето на пожарот допрва ќе се утврдуваат.Помош за семејството Петрушевски понуди градоначалничката на Кисела Вода, Билјана Беличанец-Алексиќ, која вчера, заедно со членови на општинскиот совет и администрацијата, го посети во опожарениот дом.Беличанец најави еднократна парична помош за семејството, како и еднократна финансиска помош од Советот на Кисела Вода.Колку пари ќе донираат, ќе одлучат откако ќе се направи увид во штетата.
“За расчистување и за санирање на штетите, на располагање на семејството ќе бидат и сезонските работници и механизацијата на Општината”, изјавија од Кисела Вода.Петрушевски ги посети и министерот за труд и социјална политика Диме Спасов.Додека пожарникарие го гаснеа големиот пожар кој ја зафати куќата на Весна Бејби таа за Вест раскажа што се случило и како се спасила.