(Видео) Украина префрла нови резерви во Вовчанск: Ќе се повтори ли Бахмут?

Додека руските сили веќе ја преминаа северната граница на регионот Харков, шефот на кабинетот на Зеленски, Андриј Јермак, имал разговор со главниот командант на вооружените сили на Украина, генерал Олександр Сирски, при што поставил задача да го задржи градот Вовчанск во околината на Харков до последно и да ги спречи Русите целосно да го окупираат.

Вовчанск во моментов е единствениот град каде што сè уште е можно да се одржи одбраната. Дека Русите сакаат целосно да го заземат Вовчанск потврди и Институтот за проучување на војната ИСВ:

„Руските сили во моментов имаат приоритет на заземањето на Вовчанск, бидејќи тоа е веројатно една од преостанатите тактички цели на првата фаза од офанзивните операции во северниот дел на Харковската област. Руските сили извршија напади врз мостовите преку реката Сиверски Донец за брзо изолирање на бојното поле источно од реката со цел да ги подобрат нивните шанси да ги деградираат украинските копнени линии на комуникација и брзо да го заземат Вовчанск“.

Командата на оперативно-стратешката група „Хортица“ префрли единици и опрема на специјалните сили од Харков во Вовчанск за да го задржи градот, односно неговата јужна половина, бидејќи северната половина е речиси целосно под контрола на руските сили, со исклучок на мала површина во областа на машинската постројка. Според руски извори, и покрај жестокиот отпор, единиците на вооружените сили на Украина сепак биле протерани од централниот дел на градот.

„Нашиот извор од Генералштабот изјави дека Ермак барал Сирски да го задржи Вовчанск со сите потребни средства, а воените специјални сили и опрема од Харков итно биле префрлени во градот“, пренесува ТВ каналот „Резидент“.

Според украински извори, Вовчанск ќе ја повтори судбината на градот Бахмут, односно ќе биде целосно уништен за време на офанзивата на украинските вооружени сили.