Ирански официјален претставник тврди дека тие наводно ја произвеле првата хиперсонична балистичка ракета.
Иран тврди дека неговите воздушни сили ја произвеле првата хиперсонична балистичка ракета способна да пробие софистицирани системи за противвоздушна одбрана. Оваа вест за иранските медиуми ја потврди командантот Амир Али Хаџизаде, пренесе иранската новинска агенција Тасним. Хаџизадех рече дека балистичката ракета достигнува огромни брзини и може да лета под и над земјината атмосфера.
„Оваа хиперсонична балистичка ракета е одговорот на штитовите за противвоздушна одбрана. Таа може да помине низ сите противракетни системи и мислам дека нема да има технологија што може да и се спротивстави со децении“, рече генералот.
„Големиот скок“
Тој нагласи дека новата ракета е создадена за да ги уништи противракетните системи на непријателот. Според него, развојот на такво оружје е голем скок во производството на ракети. Хиперсоничните проектили се меѓу најмоќните оружја што постојат.
Тие можат да погодат цели на кое било растојание на Земјата во рок од еден час и да ја сменат траекторијата при летот. Во моментов, САД, Русија и Кина имаат такво оружје, а Русија беше единствената што го користеше во борба, а тоа беше во Украина.
Австралија, Индија, Франција, Германија и Јапонија развиваат технологија за хиперсонично оружје, додека Иран, Израел и Јужна Кореја исто така претходно објавија дека таквото оружје е во фаза на истражување и развој.
Русија предничи на ова поле, која има произведено неколку видови вакви ракети. Москва во август објави дека распоредила авиони опремени со најнови хиперсонични ракети во Калининград, руска енклава опкружена со земји од НАТО.
Војната во Украина ја зголеми тензијата во енклавата Калининград. Во март, на почетокот на инвазијата на Украина, Русија објави дека распоредила хиперсонични ракети Кинжал, веројатно првата употреба на овие ракети.
Пронајдете не на следниве мрежи:
