Бурек-мајсторите во Македонија се сметаат за добро платени занаетчии. Најновите податоци покажуваат дека просечната месечна исплатена бруто-плата за бурекчиите во Македонија изнесува над 70.000 денари. Ова е значителен износ, особено ако се земе предвид целокупната македонска економија.

За да дознаеме повеќе за животот на бурекчиите, разговаравме со Иван Драгојевиќ, мајстор за бурек во една од скопските пекари.

Тој ни раскажа дека платата што ја добива е повеќе од добра и воопшто не му се исплати да бара подобра работа во странство.

Сепак, единствениот проблем е што секоја ноќ работи и нема слободен ден.

„Во денешно време е многу тешко да се најде професионален бурек-мастор во Македонија. Голем дел од моите колеги веќе го фатија патот во странство, а младите одбиваат да го учат овој занает, кој е многу исплатлив, ама ете, не е популарен. Ќе ви кажам искрено, јас за плата пониска од 1.000 евра воопшто не разговарам со сопственикот на дуќанот. Задоволен сум, знам да си ја работам работата, иако проблем ми претставува тоа што секоја ноќ сум на работа, а преку ден спијам“, ни изјави Драгојевиќ.

Иако бурекчиите се добро платени, нивниот труд и преданост се на високо ниво. Но, дали ќе останат вакви услови во иднина, останува да се види.

На оваа тема разговаравме со економски експерти кои велат дека постојат неколку причини зошто недостигот на бурек-мајстори во земјава може да претставува проблем.

„Занаетчиски умешности и традиција. Мајсторите за бурек ја пренесуваат својата умешност од поколение на поколение. Сепак, младите луѓе често не се заинтересирани да го научат овој занает поради напорната работа и недоволната плата. Традицијата може да избледи ако не се пренесува на следните генерации. Второ, работата на мајстор за бурек е физички напорна. Тие често работат ноќе и немаат слободни денови. Ова може да биде многу незгодно за младите луѓе кои бараат поудобни услови на работа. Иако платите за врвните мајстори за бурек може да бидат високи, за многумина тоа не е доволно да ги мотивира да се занимаваат со овој занает. Според нив, работата е премногу напорна за платата која ја добиваат. Младите луѓе имаат повеќе опции за кариера и се одлучуваат за други професии кои се поатрактивни или им овозможуваат подобри услови“, објаснуваат експертите.

извор: denar.mk